لاعب الأهلي السابق للحضري : هجومك على الخطيب أكل عيش !
نصر العشماوي
انتقد لاعب النادي الأهلي السابق مصطفى عفروتو تصريحات عصام الحضري حارس مرمى منتخب مصر والأهلي السابق ضد إدارة النادي الأهلي ورئيس النادي محمود الخطيب ببعض البرامج .
وقال عفروتو في تصريحات عبر قناة «النهار»:
«في ناس أكل عيشهم الكلام، وإنهم يطلعوا يخبطوا في الكابتن محمد الخطيب، والنادي الأهلي، هو كابتن عصام الحضري كان جاي منين؟، من نادي دمياط، اللي عمله هو النادي الأهلي، وممكن التعبير خانه».
وأضاف: «عصام الحضري كلاعب، محدش يقدر يتكلم عليه، لكن يا كابتن عصام لولا النادي الأهلي، مكنش لا أنا ولا أنت ولا أي حد عمل اسمه».
وتابع: «مش عارف ليه كابتن عصام بيقول كده، ممكن تكون مشاكل شخصية مع حد، ووارد يكون حد مسخنه، رغم أنه ليه خبرات كبيرة، وكان لازم يعمل زي الكابتن مصطفى عبده اللي مراحش ومجتلهوش دعوة ومتكلمش عادي».
